Azərbaycanın hərbi təyyarəsi qəzaya uğrayıb
Müdafiə Nazirliyi rəsmi məlumat yayıb. Qeyd olunur ki, iyulun 24-ü saat 22:00 radələrində təlim-məşq uçuşları keçirən Hərbi Hava Qüvvələrinin MiQ-29 təyyarəsi ilə qəflətən rabitə əlaqəsi kəsilib və aviasiya vasitəsi radarlardan itib.
İlkin ehtimala əsasən, aviasiya qəzası nəticəsində hərbi təyyarə Xəzər dənizinə düşüb. Pilotun axtarışı və xilas edilməsi üçün təxirəsalınmaz tədbirlər həyata keçirilir.
Müdafiə nazirinin tapşırığına əsasən yaradılan komissiya qəzanın səbəblərini araşdırmağa başlayıb.
