Macarıstanla əməkdaşlıq komissiyasında yenilik
Azərbaycan və Macarıstan hökumətləri arasında iqtisadi əməkdaşlıq üzrə birgə komissiyanın tərkibi yenilənib. Novator.az bildirir ki, prezident İlham Əliyevin 23 iyul sərəncamı ilə komissiyanın Azərbaycan tərəfdən həmsədri postu iqtisadiyyat nazirindən əmək və əhalinin sosial müdafiəsi nazirinə keçir.
Birgə komissiyanın üzvləri bu vəzifələri tutan şəxslər sayılır: xarici işlər nazirinin müavini, iqtisadiyyat nazirinin müavini, energetika nazirinin müavini, nəqliyyat, rabitə və yüksək texnologiyalar nazirinin müavini, kənd təsərrüfatı nazirinin müavini, ekologiya və təbii sərvətlər nazirinin müavini, təhsil nazirinin müavini, səhiyyə nazirinin müavini, mədəniyyət nazirinin müavini, Dövlət Turizm Agentliyinin sədri, Qida Təhlükəsizliyi Agentliyi sədrinin müavini, Mərkəzi Bank sədrinin müavini, Azərbaycanın Macarıstanda fövqəladə və səlahiyyətli səfir.
Azərbaycan və Macarıstan hökumətləri arasında iqtisadi əməkdaşlıq üzrə birgə komissiya 2009-cu il yanvarın 16-da yaradılıb.
