Püşk “Qarabağ” üçün mümkün rəqiblər seçdi
İyulun 22-də UEFA Çempionlar Liqasının üçüncü mərhələsinin püşkü atılıb. Novator.az bildirir ki, püşkün nəticəsinə görə, Azərbaycan təmsilçisi “Qarabağ”a ikinci mərhələdəki APOEL (Kipr) – “Sutyeska” (Monteneqro) cütlüyünün qalibi rəqib ola bilər.
“Qarabağ” ikinci mərhələdə İrlandiyanın “Dandolk” komandası ilə üz-üzə gələcək (iyulun 24-ü səfərdə, iyulun 31-i Bakıda).
Birinci raundda “Qarabağ” Albaniyanın “Partizani” klubunu yenib (2:0 və 0:0).
“Qarabağ”a dördüncü mərhələdə (20-28 avqust) İsveçrədən “Yanq Boyz”un rəqib olması mümkündür.
17 sentyabr-11 dekabr arasında keçiriləcək qrup raunduna birbaşa vəsiqələri İspaniyanın “Barselona”, “Atletiko”, “Real”, “Valensiya”, İngiltərənin “Mançester Siti”, “Liverpul”, “Çelsi”, “Tottenhem”, İtaliyanın “Yuventus”, “Napoli”, “Atalanta”, “İnter”, Almaniyanın “Bavariya”, “Borussiya” (Dortmund), “Leypsiq”, “Bayer”, Fransanın PSJ, “Lill”, “Lion”, Rusiyanın “Zenit”, “Lokomotiv” (Moskva), Portuqaliyanın “Benfika”, Ukraynanın “Şaxtyor”, Belçikanın “Genk”, Türkiyənin “Qalatasaray”, Avstriyanın “Zalsburq” komandaları alıb.
