Neft Fondunun 2018-ci il xərci
Dövlət Neft Fondunun 2018-ci il büdcəsinin icrası prezident sərəncamı ilə təsdiqlənib. Novator.az bildirir ki, sənədə əsasən, ötən il 17 milyard 614 milyon 128 min manat gəlir əldə edilib, 11 milyard 455 milyon 597,5 min manat xərc çəkilib.
Gəlirlərin nəzərdə tutulandan 15% çox, xərclərin 0,2% az icra olunduğu vurğulanır.
2018-ci ilin xərc istiqamətləri belə rəsmiləşib:
dövlət büdcəsinə transfert – 10 milyard 959 milyon manat;
qaçqınların və məcburi köçkünlərin sosial-məişət və məskunlaşma məsələləri ilə bağlı tədbirlər – 199 milyon 979,3 min manat;
Bakı-Tbilisi-Qars dəmir yolu layihəsi – 176 milyon 128 min manat;
Samur-Abşeron suvarma sisteminin yenidən qurulması layihəsi – 89 milyon 999,2 min manat;
Azərbaycan gənclərinin xarici ölkələrdə təhsilinə dair dövlət proqramı – 7 milyon 235,7 min manat;
Dövlət Neft Fondunun idarə edilməsi ilə bağlı xərclər – 23 milyon 255,3 min manat.
