AXCP üzvü həbsdə qaldı
Bakı Apellyasiya Məhkəməsi AXCP Ali Məclisi Rəyasət Heyətinin üzvü, Qarabağ müharibəsi əlili Asif Yusiflini həbsdə saxlayıb.
Asif Yusifli 2014-cü il noyabrın 25-dən həbsdədir. 2015-ci ildə məhkəmə onu dələduzluqda və sənədlərin saxtalaşdırılmasında təqsirli bilərək 7 il 6 ay müddətinə azadlıqdan məhrum edib. 2016-cı il mayın 4-də Ali Məhkəmə cəzanı 6 ilə, 2017-ci il martın 2-də 5 ilə endirib.
2019-cu ilin yazında Asif Yusifli vaxtından əvvəl şərti azadlığa buraxılması üçün Suraxanı Rayon Məhkəməsinə müraciət edib. Mayın 29-da məhkəmə müraciəti təmin etməmək qərarı çıxardığı üçün Asif Yusifli apellyasiya instansiyasına üz tutub.
İyulun 22-də Bakı Apellyasiya Məhkəməsi Suraxanı Rayon Məhkəməsinin qərarından şikayətə baxışı tamamlayıb. Şikayət təmin olunmayıb.
