Rus və gürcü sınaqlarına doğru
Azərbaycanı UEFA Avropa Liqasının birinci mərhələsində təmsil edən komandalar ikinci oyunlarını keçirib. Novator.az-ın məlumatına görə, iyulun 18-i Bakıda Moldovanın “Speranta” klubunu 6:0 hesabı ilə udan “Neftçi” növbəti raunda vəsiqə qazanıb.
Kişinyovdakı ilk oyunda “Neftçi” rəqibin qapısına 3 cavabsız top vurmuşdu.
“Səbail” isə Rumıniyada “Universitatya” komandasına 2:3 hesabı ilə uduzaraq ələnib. “Universitatya” Bakıdakı ilk oyunda da həmin hesabla üstün gəlmişdi.
“Neftçi” ikinci mərhələdə (25 iyul-1 avqust) Rusiyanın “Arsenal” (Tula) klubu ilə görüşəcək.
“Qəbələ” turnirə həmin raunddan qoşulur və Gürcüstan paytaxtının “Dinamo” klubu ilə üz-üzə gələcək.
