Hərbi prokuror hesabat verib
Azərbaycanın hərbi prokuroru general-leytenant Xanlar Vəliyev iyulun 19-da 2019-cu ilin birinci yarısının yekunlarına həsr olunmuş əməliyyat müşavirəsi keçirib. AZƏRTAC-ın məlumatına görə, general deyib ki, yarım ildə qeydə alınmış xüsusilə ağır cinayətlər ötən ilin yanvar-iyun ayları ilə müqayisədə üç dəfə azalıb.
Qəsdən adam öldürmə cinayətləri, qəsdən sağlamlığa ağır zərər vurma cinayətləri, silahla və ətrafdakılar üçün yüksək təhlükə törədən əşyalarla davranış qaydalarını pozma cinayətləri və maşınları idarəetmə və istismar qaydalarını pozma cinayətlərinin 50 faiz, hakimiyyətdən sui-istifadə etmə cinayətlərinin 29,3 faiz, öz sağlamlığına zərər vurmaqla və ya sair üsulla hərbi xidmətdən boyun qaçırma cinayətlərinin 7,7 faiz azaldığı vurğulanıb.
Hesabata əsasən, bir neçə ildir hərbi hissəni və ya xidmət yerini müharibə vaxtı və ya döyüş şəraitində özbaşına tərk etmə cinayəti qeydə alınmır.
