54 tamam, qalanları davam
2019-2020-ci illər mövsümündə UEFA-nın klub turnirlərinə 237 komanda (Çempionlar Liqasına 79, Avropa Liqasına 158) vəsiqə alıb. Novator.az bildirir ki, klub turnirlərində iki təsnifat raundundan sonra 54 komanda mübarizəni dayandırıb. Avropa Liqasının ilkin mərhələsində 7, birinci raundunda 47 komanda büdrəyib. Çempionlar Liqasından ələnən 19 klub isə Avropa Liqasına transfer olunub.
İspaniya, İngiltərə, Almaniya və İtaliyanın klub turnirlərində 7, Fransa və Rusiyanın 6 komandası var.
Portuqaliya, Belçika, Ukrayna, Türkiyə, Avstriya, Hollandiya, Çexiya, Yunanıstan və İsveçrə 5 komanda ilə təmsil olunurlar.
Danimarka, Kipr, İsveç, İsrail, Bolqarıstan, Rumıniya və Macarıstanın 4, Xorvatiya, Serbiya, Şotlandiya, Norveç, Qazaxıstan, Azərbaycan, Polşa, Slovakiya, Sloveniya, Latviya, Ermənistan, Lüksemburq və Gürcüstanın 3 komandası qalır.
Belarus, İrlandiya, Bosniya, Finlandiya, Malta, İslandiya, Uels, Monteneqro, Estoniya, Şimali İrlandiya və Farer adaları 2, Lixtenşteyn, Albaniya, Şimali Makedoniya, Litva, Moldova, Cəbəllütariq, Kosovo, Andorra və San Marino 1 komanda ilə yarışırlar.
UEFA Çempionlar Liqasında Azərbaycanı təmsil edən “Qarabağ” komandası ikinci mərhələdə (23-31 iyul) İrlandiyanın “Dandolk” komandası ilə üz-üzə gələcək.
Avropa Liqasında mübarizə aparan “Neftçi” ikinci mərhələdə (25 iyul-1 avqust) Rusiyanın “Arsenal” (Tula) komandasına, “Qəbələ” Gürcüstan paytaxtının “Dinamo” klubuna rəqib olub.
