Məşğulluq və işsizlik hesabatı
Novator.az Dövlət Statistika Komitəsinin təqdim etdiyi məşğulluq və işsizlik göstəricilərinə nəzər salıb. Hesabata görə, 2019-cu il iyulun 1-nə iqtisadi fəal əhalinin sayı 5 milyon 167,9 min nəfər olub, onların 4 milyon 915,2 min nəfərini məşğul əhali təşkil edib.
Muzdla işləyənlərin sayı 1 milyon 590,7 min nəfər göstərilir, iqtisadiyyatın neft-qaz sektorunda 35 min nəfərin, qeyri neft-qaz sektorunda 1 milyon 555,7 min nəfərin çalışdığı bildirilir.
Yanvar-may aylarında bir işçi ayda orta hesabla 149,4 saat işləyib.
İyul ayının 1-nə məşğulluq xidməti orqanları 55,8 min nəfəri işsiz kimi qeydiyyata alıb, işsizlikdən sığorta ödənişinin orta məbləği 221,2 manat olub.
Ölkə iqtisadiyyatında muzdla çalışan işçilərin orta aylıq nominal əməkhaqqı iyunun 1-nə 583,7 manata çatıb. Neft sektorunda orta maaş 3168,5 manat, qeyri neft-qaz sektorunda 524,7 manat, dövlət müəssisələrində 471,9 manat, özəl müəssisələrdə 730,3 manat həddində rəsmiləşib.
