Yaxın ölkələrlə alış-veriş
Novator.az Azərbaycanın yaxın ölkələrlə yarım illik rəsmi ticarət göstəricilərinə nəzər salıb.
Dövlət Gömrük Komitəsinin hesabatına görə, 2019-cu ilin yanvar-iyun aylarında Türkiyəyə 1 milyard 233,8 milyon dollarlıq məhsul ixrac olunub.
Rusiyaya 377,4 milyon dollarlıq, Gürcüstana 316,2 milyon dollarlıq, Ukraynaya 186,8 milyon dollarlıq, İrana 23 milyon dollarlıq, Qazaxıstana 11,6 milyon dollarlıq, Türkmənistana 11,2 milyon dollarlıq, Belarusa 9,9 milyon dollarlıq, Özbəkistana 8,5 milyon dollarlıq, Estoniyaya 1,7 milyon dollarlıq, Qırğızıstana 1,5 milyon dollarlıq, Tacikistana 1,4 milyon dollarlıq, Litvaya 857,6 min dollarlıq, Latviyaya 512 min dollarlıq, Moldovaya 253,7 min dollarlıq ixrac qeydə alınıb.
Yanvar-iyun aylarında Azərbaycan Rusiyadan 1 milyard dollarlıq mal alıb.
Türkiyədən Azərbaycana 677,4 milyon dollarlıq, İrandan 290,6 milyon dollarlıq, Ukraynadan 215,9 milyon dollarlıq, Qazaxıstandan 124,2 milyon dollarlıq, Belarusdan 96 milyon dollarlıq məhsul göndərilib.
Digər yaxın ölkələrdən idxal göstəriciləri belə rəsmiləşib:
Türkmənistan – 53,2 milyon dollar
Gürcüstan – 32,4 milyon dollar
Özbəkistan – 21,9 milyon dollar
Litva – 6,3 milyon dollar
Latviya – 5,6 milyon dollar
Moldova – 1,9 milyon dollar
Qırğızıstan – 1 milyon dollar
Estoniya – 826,4 min dollar.
Tacikistandan idxal olmayıb.
