77 nəfər işə bərpa edilib
Əmək və Əhalinin Sosial Müdafiəsi Nazirliyinin hesabatına görə, Dövlət Əmək Müfəttişliyi Xidməti 2019-cu ilin birinci yarısında 77 işçinin əmək müqaviləsinə qanunvericiliyin tələbləri pozulmaqla xitam verildiyini aşkarlayıb. Xidmətin gördüyü tədbirlər nəticəsində həmin işçilərin əvvəlki işlərinə bərpa olunduğu bildirilir.
Rəsmi məlumata əsasən, Dövlət Əmək Müfəttişliyi Xidməti işəgötürənlərin gecikdirdiyi ümumilikdə 51,4 min manat məbləğində sosial xarakterli ödənişlərin işçilərə ödənməsini təmin edib. Həmin məbləğin 93,1 faizi əməkhaqqı, qalan hissəsi müavinət və kompensasiyalar, zərərə görə ödənclər olub.
