Ermənistanda nə qədər hotel var?
Bir ildə Ermənistanda 96 mehmanxana açılıb. Novator.az bildirir ki, Statistika Komitəsinin hesabatına görə, 2017-ci ildə ölkədə 556 mehmanxana olub, 2018-ci ildə onların sayı 652-yə çatıb.
Rəsmi bilgiyə əsasən, ötən il Ermənistanda mehmanxana otaqlarının sayı 9 min 521-dən 10 min 274-ə yüksəlib.
2018-ci ildə təkcə Yerevanda 70 yeni mehmanxananın açıldığı, paytaxtdakı hotellərin sayının 390-a çatdığı vurğulanır.
Statistika Komitəsi qeyd edir ki, ötən il mehmanxana sektorunda çalışan işçilərin sayı 4 min 93 nəfərdən 4 min 748 nəfərə, bu sahədə gəlirlərin həcmi 28,4 milyard dramdan 34,5 milyard drama qalxıb.
Səidə Hüseynova
