Elektron müraciət hesabatı
2019-cu ilin yanvar-iyun aylarında Əmək və Əhalinin Sosial Müdafiəsi Nazirliyinin elektron xidmətlərinə 5,4 milyona yaxın müraciət qeydə alınıb. Rəsmi hesabata görə, “Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi” xidməti 1 milyon 932 min 829 müraciətlə ilk sıradadır.
“İş yerinə dair arayış” xidmətinə 582 min 29 müraciət, “Tibbi-Sosial Ekspert Komissiyasında sonuncu müayinəyə dair məlumatın verilməsi” xidmətinə 446 min 915 müraciət, “Əmək müqaviləsi bildirişləri barədə məlumatları işçilərin əldə etməsi” xidmətinə 386 min 461 müraciət qeydə alınıb.
“Əmək qabiliyyətinin müvəqqəti itirilməsinə görə müavinətlə bağlı haqq-hesab cədvəlinin təqdim edilməsi” xidmətinə 164 min 411 dəfə, “Sığortaolunanlara məlumatların verilməsi” xidmətinə 126 min 783 dəfə, “Sığortaolunanın onlayn uçota alınması” xidmətinə 125 min 97 dəfə, “Məcburi dövlət sosial sığortası üzrə hesabatların təqdim edilməsi” xidmətinə 103 min 889 dəfə müraciət olunduğu bildirilir.
Nazirlik əhaliyə 30-a yaxın növdə elektron xidmət göstərir.
