Orta maaş nə qədər artıb?
Dövlət Statistika Komitəsi iqtisadiyyatda işləyənlərin sayı və əməkhaqqı barədə açıqlama yayıb. Novator.az bildirir ki, rəsmi hesabata görə, 2019-cu il iyunun 1-nə Azərbaycan iqtisadiyyatında muzdla çalışan işçilərin sayı 1 milyon 590,7 min nəfər olub, onların 898 min nəfəri dövlət sektorunda, 692,7 min nəfəri qeyri-dövlət sektorunda fəaliyyət göstərib.
Yanvar-may aylarında ölkə iqtisadiyyatında muzdla çalışan işçilərin orta aylıq nominal əməkhaqqının əvvəlki ilin müvafiq dövrünə nisbətən 7,9 faiz artaraq 583,7 manata çatdığı vurğulanır.
