Kurs dəyişmələri
İyulun 9-da xarici valyutaların rəsmi kursu müxtəlif istiqamətlərdə dəyişib. Novator.az-ın məlumatına görə, avro (1,9070 manat), Gürcüstan larisi (0,5974 manat), İngiltərə funt sterlinqi (2,1270 manat) dəyər itirib.
Mərkəzi Bank bahalaşan Çin yuanını 0,2470, Türkiyə lirəsini 0,2965 manata satır.
ABŞ dollarının (1,7 manat), BƏƏ dirhəminin (0,4628 manat) və Rusiya rublunun (0,0267 manat) rəsmi məzənnələri sabit qalıb (Tam siyahı).
2015-ci ilin 21 fevral və 21 dekabr devalvasiyaları ilə dolların rəsmi qiyməti 0,7844 manatdan 1,5594 manata yüksəlib.
2016-cı ildə rəsmi kurs 1,7707 manata çatıb, 2017-ci il dekabrın 13-dən dollar banklara 1,7001 manata təklif edilib. 2018-ci il martın 7-dən 1,7 manat həddi qüvvədədir.
Avro 2019-cu ilə 1,9323, lari 0,6346, rubl 0,0245, lirə 0,3141 manatla başlayıb.
Dövlət Neft Fondu Mərkəzi Bankın manatı qorumaq üçün yanvar-iyun aylarında keçirdiyi valyuta hərraclarında 2 milyard 643,6 milyon ABŞ dolları məbləğində vəsait satıb.
