Avropalı liderlə müzakirələr
Azərbaycana səfər edən Avropa İttifaqı Şurasının sədri Donald Tusk iyulun 9-u Bakıda Azərbaycan prezidenti İlham Əliyevlə təkbətək görüşüb. Ardınca onlar işçi lanç çərçivəsində geniş tərkibdə bir araya gəliblər.
AZƏRTAC İlham Əliyevlə Donald Tuskun mətbuata bəyanatlarla çıxış etdiyini bildirir.
1957-ci ildə yaradılmış Avropa İttifaqının 28 üzvü var: Almaniya, Avstriya, Belçika, Bolqarıstan, Böyük Britaniya, Çexiya, Danimarka, Estoniya, Finlandiya, Fransa, Xorvatiya, İrlandiya, İspaniya, İsveç, İtaliya, Kipr, Latviya, Litva, Lüksemburq, Macarıstan, Malta, Niderland, Polşa, Portuqaliya, Rumıniya, Slovakiya, Sloveniya, Yunanıstan. Böyük Britaniya qurumdan çıxmaq üzrədir.
Azərbaycan Avropa İttifaqının Şərq tərəfdaşlığı proqramının üzvüdür. 2009-cu ildə elan olunmuş proqram Ukrayna, Moldova, Belarus, Gürcüstan və Ermənistanı da əhatə edir.
2018-ci ildə Azərbaycanla Avropa İttifaqı arasında “Tərəfdaşlıq prioritetləri” sənədi imzalanıb. Hazırda strateji tərəfdaşlıq sazişi üzərində iş gedir.
