Rusiyada gəlir-qiymət nisbəti
Rusiyanın “RİA Novosti” agentliyi əhalinin 2018-ci ildəki orta aylıq gəlirlərini məhsul və xidmətlərin qiymətləri ilə tutuşduraraq reytinq cədvəli tərtib edib.
Novator.az-ın məlumatına görə, ilk pillədə Yamalo-Nenets Muxtar Mahalı dayanır. Bölgədə əhalinin gəlirlərinin məhsul və xidmətlərin qiymətlərini 3,05 dəfə üstələdiyi bildirilir.
İkinci yerdə Nenets Muxtar Mahalı dayanır. Hesabata əsasən, mahalda gəlirlər qiymətləri 2,9 dəfə geridə qoyur.
Çukot Muxtar Mahalı gəlirlərin qiymətlərdən 2,38 dəfə üstünlüyü ilə üçüncü pillədə qərar tutub.
Gəlirlərin qiymətlərə nisbəti sarıdan dördüncü yerdə Maqadan vilayəti (2,27 dəfə), beşinci yerdə Xantı-Mansı Muxtar Mahalı (2,17 dəfə) gəlir.
İlk onluqda Saxalin vilayəti (2,14 dəfə), Moskva şəhəri (2,07 dəfə), Moskva vilayəti (2,02 dəfə), Sankt-Peterburq şəhəri (1,93 dəfə) və Tatarıstan Respublikası da (1,93 dəfə) yer alır.
Ən aşağı göstərici Tuva Respublikasında qeydə alınıb. Bölgədə əhalinin orta aylıq gəlirləri məhsul və xidmətlərin qiymətlərindən cəmi 0,88 dəfə çoxdur.
Son sıralarda Yəhudi Muxtar Vilayəti (1,12 dəfə), İnquşetiya Respublikası (1,05 dəfə), Qaraçay-Çərkəz Respublikası (1,04 dəfə), Kalmık Respublikası da (0,99 dəfə) var.
Səidə Hüseynova
