Növbədənkənar seçkini müxalif partiya uddu
Yunanıstanda iyulun 7-də keçirilmiş növbədənkənar parlament seçkisinin ilkin nəticələri açıqlanıb. Novator.az-ın məlumatına görə, müxalif Yeni Demokratiya Partiyası 39,8% səslə önə çıxaraq 300 yerlik parlamentdə 158 mandat əldə edir.
Hakim SİRİZA Partiyası 31,55% səs toplayaraq 86 yerlə kifayətlənir.
Baş nazir Aleksis Sipras lideri olduğu SİRİZA Partiyasının məğlubiyyətini etiraf edərək hökumət başçısı postunu Yeni Demokratiya Partiyasının lideri Kiriakos Mitsotakisə təhvil verəcəyini açıqlayıb.
Yunanıstan parlamenti bu ilin mayında SİRİZA Partiyası və müttəfiqlərinin Avropa Parlamentinə seçkidə məğlubiyyətindən sonra buraxılıb.
Aleksis Sipras Yunanıstana 2015-ci ildən baş nazirlik edir.
