Məzənnələrdə düşmə
Mərkəzi Bank iyulun 8-də avronun məzənnəsini 1,9096 manata endirib.
Novator.az-ın məlumatına görə, Gürcüstan larisi (0,6044 manat), Rusiya rublu (0,0267 manat) və Türkiyə lirəsi də (0,2957 manat) ucuzlaşıb.
ABŞ dollarının kursu 1,7 manat səviyyəsində qalıb (Tam siyahı).
2015-ci ilin 21 fevral və 21 dekabr devalvasiyaları ilə dolların rəsmi qiyməti 0,7844 manatdan 1,5594 manata yüksəlib.
2016-cı ildə rəsmi kurs 1,7707 manata çatıb, 2017-ci il dekabrın 13-dən dollar banklara 1,7001 manata təklif edilib. 2018-ci il martın 7-dən 1,7 manat həddi dəyişmir.
Avro 2019-cu ilə 1,9323, lari 0,6346, rubl 0,0245, lirə 0,3141 manatla başlayıb.
Dövlət Neft Fondu Mərkəzi Bankın manatı qorumaq üçün yanvar-iyun aylarında keçirdiyi valyuta hərraclarında 2 milyard 643,6 milyon ABŞ dolları məbləğində vəsait satıb.
Yanvarın hərraclarında fonddan 634,9 milyon dollar, fevralın hərraclarında 316,2 milyon dollar, martın hərraclarında 600,5 milyon dollar, aprelin hərraclarında 423,7 milyon dollar, mayın hərraclarında 352,4 milyon dollar, iyunun hərraclarında 315,9 milyon dollar alınıb.
2016-cı ildə Dövlət Neft Fondunun analoji xərci 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar göstərilib.
