Ədilə Mütəllibova vəfat edib
Azərbaycanın ilk prezidenti Ayaz Mütəllibovun həyat yoldaşı Ədilə Mütəllibova vəfat edib.
Novator.az bildirir ki, Ayaz Mütəllibov 1938-ci ildə Bakıda doğulub. İndiki Azərbaycan Neft və Sənaye Universitetini bitirib. Bakı Soyuducular Zavodunun, “Bakelektromaş” İstehsalat Birliyinin direktoru, Nərimanov Rayon Partiya Komitəsinin ikinci katibi, yerli sənaye naziri, Dövlət Plan Komitəsinin sədri, Nazirlər Sovetinin sədr müavini vəzifələrini tutub.
1988-ci ildən Nazirlər Sovetinin sədri olan Ayaz Mütəllibov 1990-cı ildə Azərbaycan Kommunist Partiyası Mərkəzi Komitəsinin birinci katibi, həmin il və 1991-ci ildə Azərbaycan prezidenti seçilib.
1992-ci ildə prezident postundan istefa verən Ayaz Mütəllibov həmin ilin may ayından həyat yoldaşı Ədilə Mütəllibova ilə birgə Rusiyanın paytaxtı Moskvada yaşayıb.
2011-ci ilin avqust ayında Ayaz Mütəllibovun oğlu Azad Mütəllibov vəfat edib. Həmin vaxt eks-prezident Azərbaycana gələrək oğlunun hüzr mərasimində iştirak edib.
2012-ci ilin iyul ayında isə Ayaz Mütəllibov həyat yoldaşı ilə birgə birdəfəlik vətənə dönərək paytaxtda məskunlaşıb.
“Report” agentliyi xəbər verir ki, Ədilə Mütəllibova Bakının Yasamal rayonundakı qəbiristanlıqda, oğlunun məzarının yanında dəfn olunub.
Vida mərasimi Təzə Pir məscidində keçirilib.
Ədilə Mütəllibova 1938-ci ildə Bakıda anadan olub. O, ixtisasca həkim idi.
Allah rəhmət eləsin!
