Bakıda orta maaş
Bakı Şəhər Statistika İdarəsi yeni göstəricilər açıqlayıb. Novator.az bildirir ki, hesabata görə, 2019-cu ilin yanvar-may aylarında şəhər sənayesində istehsal və xidmətlərin həcmi 16,6 milyard manat təşkil edib, məhsulun 81,8 faizi mədən, 16,1 faizi emal, 1,5 faizi elektrik enerjisi, qaz və buxar istehsalı, bölüşdürülməsi və təchizatı, 0,6 faizi su təchizatı, tullantıların təmizlənməsi və emalı sektorlarında istehsal olunub. Sektorda qeyri-dövlət sektorunun payı 84,1 faiz göstərilir.
Beş ayda ticarət dövriyyəsinin 2018-ci ilin yanvar-may ayları ilə müqayisədə 3,4 faiz, iaşə dövriyyəsinin real ifadədə 4,5 faiz, ödənişli xidmətlərin dəyərinin 0,9 faiz artdığı vurğulanır.
Rəsmi açıqlamaya görə, yanvar-aprel aylarında işçilərin orta aylıq nominal əməkhaqqı 3,9 faiz artaraq 820 manata çatıb.
2019-cu il mayın 1-nə Azərbaycan iqtisadiyyatında muzdla çalışan işçilərin orta aylıq nominal əməkhaqqı əvvəlki ilin müvafiq dövrünə nisbətən 7,9 faiz artaraq 581,2 manat olub.
