Ermənistanda nazirlərin orta yaşı 44-ə çatmır
1991-ci il təvəllüdlü Rustam Badasyan Ermənistanın ədliyyə naziri təyin edilib. Novator.az bildirir ki, o, hökumətdə ən gənc nazirdir.
Ermənistan hökuməti baş nazirdən, onun iki müavinindən və 12 nazirdən ibarətdir.
Baş nazir Nikol Paşinyan 1975-ci ildə doğulub.
Müavinlər Mger Qriqoryan 1972-ci ildə, Tiqran Avinyan 1989-cu ildə anadan olublar.
Nazirlər təvəllüdlərinə görə belə sıralanır:
fövqəladə hallar naziri Feliks Solakyan – 1952-ci il
xarici işlər naziri Zöhrab Mnasakanyan – 1966-cı il
müdafiə naziri David Tonoyan – 1967-ci il
iqtisadiyyat naziri Tiqran Xaçatryan – 1970-ci il
maliyyə naziri Atom Cancuqazyan – 1971-ci il
əmək və sosial məsələlər naziri Zarui Batoyan – 1979-cu il
elm, təhsil, mədəniyyət və idman naziri Araik Arutyunyan – 1979-cu il
təbiəti mühafizə naziri Erik Qriqoryan – 1979-cu il
səhiyyə naziri Arsen Torosyan – 1982-ci il
yüksək texnologiyalar sənayesi naziri Akob Arşakyan – 1985-ci il
ərazi idarəçiliyi və infrastruktur naziri Suren Papikyan – 1986-cı il.
Nazirlərin orta yaşı 43-dən bir az çoxdur.
Azərbaycanda ən gənc nazir əmək və əhalinin sosial müdafiəsi naziri Sahil Babayevdir. O, 1980-ci ildə anadan olub.
Kənd təsərrüfatı naziri İnam Kərimovla nəqliyyat, rabitə və yüksək texnologiyalar naziri Ramin Quluzadə 1977-ci il, vergilər naziri Mikayıl Cabbarov 1976-cı il, təhsil naziri Ceyhun Bayramov 1973-cü il, energetika naziri Pərviz Şahbazov 1969-cu il təvəllüdlüdür.
Ekologiya və təbii sərvətlər naziri Muxtar Babayev 1967-ci ildə, iqtisadiyyat naziri Şahin Mustafayev 1965-ci ildə, gənclər və idman naziri Azad Rəhimov 1964-cü ildə, fövqəladə hallar naziri Kəmaləddin Heydərov və maliyyə naziri Samir Şərifov 1961-ci ildə doğulublar.
Xarici işlər naziri Elmar Məmmədyarov 1960-cı ildə, müdafiə naziri Zakir Həsənov 1959-cu ildə, mədəniyyət naziri Əbülfəs Qarayev 1956-cı ildə, ədliyyə naziri Fikrət Məmmədov 1955-ci ildə, səhiyyə naziri Oqtay Şirəliyev 1950-ci ildə, daxili işlər naziri Ramil Usubov 1948-ci ildə anadan olub.
