Doktoranturalarda oxuyanların 54,8 faizi qadındır
Dövlət Statistika Komitəsi elmi kadrların hazırlanması haqqında hesabat yayıb. Novator.az bildirir ki, rəsmi açıqlamaya görə, 2019-cu ilin əvvəlinə Azərbaycanda 119 ali təhsil müəssisəsi və elmi təşkilatda doktoranturalar fəaliyyət göstərib və onlarda 54,8 faizi qadın olmaqla 2626 nəfər təhsil alıb.
Təhsil alanların 78,6 faizi fəlsəfə, 21,4 faizi elmlər doktoru proqramları üzrə oxuyub.
Fəlsəfə doktoru proqramı üzrə təhsil alanların 50,3 faizi 30 yaşadək gənclər, elmlər doktoru proqramı üzrə təhsil alanların 23,7 faizi 40 yaşadək olan şəxslərdir.
2017-ci illə müqayisədə 2018-ci ildə fəlsəfə doktoru proqramı üzrə buraxılış 14,4 faiz artaraq 605 nəfər, elmlər doktoru proqramı üzrə isə 26,1 faiz artaraq 87 nəfər təşkil edib.
