Prezident təşəbbüsü: minimum pensiya 200 manat olur
Prezident İlham Əliyev yeni qanunvericilik təşəbbüsü irəli sürüb. Əmək və Əhalinin Sosial Müdafiəsi Nazirliyi bildirir ki, parlamentə göndərilən qanun layihəsində əmək pensiyasının minimum məbləğinin bu il oktyabrın 1-dən 160 manatdan 200 manata çatırılması nəzərdə tutulur.
İyunun 19-da yayılan xəbərə görə, minimum pensiya məbləğinin artırılması ümumilikdə 660 min pensiyaçını əhatə edəcək. Artımın edilməsi üçün illik 216 milyon manat, oktyabr-dekabr ayları üzrə 62 milyon manat əlavə vəsait yönəldiləcək.
Bu il pensiyanın minimum məbləği martın 1-dən 116 manatdan (bir sıra kateqoriyalar üzrə 80 manatdan) 160 manata çatdırılıb, həmin artım ümumilikdə 233 min pensiyaçını əhatə edib.
