Avropa Liqasındakı üçlüyün mümkün rəqibləri
Azərbaycanı UEFA Avropa Liqasında təmsil edən komandaların mümkün rəqibləri bəlli olub.
Turnirdə birinci mərhələ 11-18 iyul arasına təyin edilib. Bu raundda “Neftçi” Moldovanın “Speranta” klubu, “Səbail” Rumıniyanın “Universitatya” komandası ilə oynayacaq.
Novator.az bildirir ki, 19 iyun püşkünün nəticəsinə görə, ilk mərhələni keçəcəyi halda ikinci raundda (25 iyul-1 avqust) “Neftçi” Rusiyanın “Arsenal” (Tula) klubu ilə görüşəcək.
“Səbail”in isə “Honved” (Macarıstan) – “Jalgiris” (Litva) cütlüyünün qalibi ilə oynamaq imkanı var.
“Qəbələ” turnirə ikinci mərhələdən qoşulur. Bu raundda o, Gürcüstan paytaxtının “Dinamo” klubu ilə üz-üzə gələ bilər. Ancaq “Dinamo” bundan ötrü birinci mərhələdə ilkin raundun (27 iyun-4 iyul) “La Florita” (San Marino) – “Enqordani” (Andorra) cütlüyünün qalibini udmalıdır.
