“Qarabağ” Albaniyadan başlayır
İyunun 18-də UEFA Çempionlar Liqasının birinci mərhələsinin püşkü atılıb. Novator.az bildirir ki, Azərbaycan təmsilçisi “Qarabağ”a Albaniyadan “Partizani” klubu rəqib olub.
Birinci mərhələ 9-17 iyul aralığına təyin edilib. Ağdamlılar ilk oyunu səfərdə keçirəcək.
İkinci mərhələdə (23-31 iyul) “Qarabağ”a İsraildən “Makkabi” (Tel-Əviv), üçüncü mərhələdə (6-13 avqust) Hollandiyadan “Ayaks”, dördüncü mərhələdə (20-28 avqust) İsveçrədən “Yanq Boyz” kimi klublar rəqib ola bilər.
17 sentyabr-11 dekabr arasında keçiriləcək qrup raunduna birbaşa vəsiqələri İspaniyanın “Barselona”, “Atletiko”, “Real”, “Valensiya”, İngiltərənin “Mançester Siti”, “Liverpul”, “Çelsi”, “Tottenhem”, İtaliyanın “Yuventus”, “Napoli”, “Atalanta”, “İnter”, Almaniyanın “Bavariya”, “Borussiya” (Dortmund), “Leypsiq”, “Bayer”, Fransanın PSJ, “Lill”, “Lion”, Rusiyanın “Zenit”, “Lokomotiv” (Moskva), Portuqaliyanın “Benfika”, Ukraynanın “Şaxtyor”, Belçikanın “Genk”, Türkiyənin “Qalatasaray”, Avstriyanın “Zalsburq” komandaları alıb.
