“Neftçi” və “Səbail”in ilk rəqibləri
Azərbaycanı UEFA Avropa Liqasının birinci mərhələsində təmsil edən komandaların rəqibləri bəlli olub. İyunun 18-də atılan püşk “Neftçi”yə Moldovanın “Speranta” klubunu, “Səbail”ə Rumıniyanın “Universitatya” komandasını qismət edib.
Birinci mərhələ 11-18 iyul arasına təyin edilib. Azərbaycan komandalarının ilk oyunları Bakıda keçiriləcək.
“Qəbələ” turnirə ikinci mərhələdən (25 iyul-1 avqust) qoşulacaq. Bu raundda İtaliyadan “Roma”, Almaniyadan “Ayntraxt” (Frankfurt), İspaniyadan “Espanyol”, Serbiyadan “Partizan”, İngiltərədən “Vulverhempton”, Fransadan “Strasburq”, Hollandiyadan “Alkmaar”, “Utrext”, Portuqaliyadan “Gimarayeş”, Yunanıstandan “Aris” də yer alır.
2019-2020-ci illər mövsümündə 17 komanda UEFA Avropa Liqasına birbaşa qrup mərhələsindən başlayacaq. Onların arasında İspaniyanın “Sevilya”, İngiltərənin “Arsenal”, “Mançester Yunayted”, Türkiyənin “Beşiktaş”, Portuqaliyanın “Sportinq”, Rusiyanın SSKA, Almaniyanın “Borussiya” (Mönhenqladbah), İtaliyanın “Latsio”, “Milan”, Fransanın “Sent-Etyenn” klubları da var.
Qrup raundunun sentyabrın 19-dan dekabrın 12-dək davam etməsi nəzərdə tutulur.
