Mənzil kirayəsində ən bahalı 10 şəhər
Əmlak sahəsində ixtisaslaşmış CBRE şirkəti (ABŞ) mənzil kirayəsi üzrə ən bahalı şəhərlərin adlarını açıqlayıb.
Novator.az xəbər verir ki, reytinq cədvəlinə ABŞ-ın Nyu-York şəhəri liderlik edir. Bu şəhərdə bir aylıq mənzil kirayəsi orta hesabla 2 min 844 ABŞ dollarına başa gəlir.
Bahalıq sarıdan ikinci yerdə Birləşmiş Ərəb Əmirliklərinin paytaxtı Abu-Dabi (bir aylıq kirayə orta hesabla 2 min 807 dollar), üçüncü yerdə Honkonq (2 min 777 dollar) göstərilir.
İlk onluqda sonrakı sıralama belədir:
Ciddə (Səudiyyə Ərəbistanı) – 2 min 399 dollar
London (Böyük Britaniya) – 2 min 389 dollar
Los-Anceles (ABŞ) – 2 min 313 dollar
Dublin (İrlandiya) – 2 min 226 dollar
Ər-Riyad (Səudiyyə Ərəbistanı) – 2 min 199 dollar
Dubay (Birləşmiş Ərəb Əmirlikləri) – 2 min 44 dollar
Sinqapur – 1935 dollar.
Səidə Hüseynova
