Qeyri-neft sənayesi 15 faiz artıb
Dövlət Statistika Komitəsi yeni göstəricilər açıqlayıb. Novator.az bildirir ki, rəsmi hesabata görə, 2019-cu ilin yanvar-may aylarında ölkənin iqtisadi və sosial sahələrinin inkişafı üçün əsas kapitala 5 milyard 38,7 milyon manat vəsait yönəldilib: “Ümumi sərmayənin 64,4 faizi məhsul istehsalı obyektlərinin, 26,9 faizi xidmət sahələri üzrə obyektlərin, 8,7 faizi yaşayış evlərinin tikintisinə sərf olunub. Daxili mənbələrdən əsas kapitala yönəldilmiş vəsait ümumi sərmayənin 72,8 faizini təşkil edib”.
Başqa bir hesabata əsasən, 2019-cu ilin yanvar-may aylarında 19,6 milyard manatlıq və ya 2018-ci ilin müvafiq dövrü ilə müqayisədə 2,2 faiz çox sənaye məhsulu istehsal olunub, qeyri-neft sektorunda məhsul istehsalı 15 faiz artıb.
Sənaye məhsulunun 69,9 faizi mədən sektorunun payına düşüb. Neft hasilatının 2,9 faiz azaldığı, əmtəəlik qaz hasilatının 40,4 faiz artdığı vurğulanır.
