Medal alan agentlik rəsmiləri
Dövlət başçısı İlham Əliyev Qida Təhlükəsizliyi Agentliyinin bir qrup işçisini təltif edib. Dadaşova Xəyalə Xalıqverdi qızı, Əbdüləliyev Qalib Hümmət oğlu, Əbdüləzimov Asif Hilal oğlu, Kərimov Zaur Rəvvaq oğlu, Piriyev Mansur Şahmar oğlu, Şərifov Əziz Əşrəf oğlu “Tərəqqi” medalı alıblar.
Mərdiyev Fuad Məharət oğlu və Salamov Emin Müzəffər oğluna isə “Dövlət qulluğunda fərqlənməyə görə” medalı verilib.
Təltif qida təhlükəsizliyi sahəsində səmərəli fəaliyyətlə əsaslandırılıb.
Novator.az bildirir ki, 2017-ci ildə yaradılan Qida Təhlükəsizliyi Agentliyi qida məhsullarının təhlükəsizliyinə, baytarlıq və fitosanitar nəzarətinə dair normativ tənzimləməni, qida təhlükəsizliyi sahəsində fəaliyyət göstərən subyektlərin qeydiyyatını, qida təhlükəsizliyi, fitosanitar və baytarlıq sertifikatlarının verilməsini, qida məhsullarının ilkin istehsalı, tədarükü, istehsalı, emalı, qablaşdırılması, saxlanması, daşınması, dövriyyəsi (o cümlədən idxal-ixrac əməliyyatları) daxil olmaqla qida zəncirinin bütün mərhələlərində qida məhsullarının təhlükəsizliyinə, həmçinin qida məhsullarının, dövlət baytarlıq və fitosanitar nəzarətində olan yüklərin istehlakçılarının hüquqlarının müdafiəsinə dövlət nəzarətini, habelə qeyd olunan sahələrdə dövlət siyasətini və tənzimləməsini həyata keçirən mərkəzi icra hakimiyyəti orqanıdır.
Quruma Qoşqar Təhməzli sədrlik edir. 1970-ci il təvəllüdlü Qoşqar Təhməzli Azərbaycan Dövlət Tibb İnstitutunun sanitariya və gigiyena fakültəsini və Qərb Universitetinin ümumbəşər siyasət və iqtisadiyyat fakültəsini bitirib.
