51 nəfərin qatili məhkəmə qarşısında
İyunun 14-ü Yeni Zelandiyada terrorçu Brenton Tarantın işi üzrə ilk məhkəmə iclası keçirilib. Novator.az-ın məlumatına görə, Oklend şəhərinin həbsxanasında saxlanan terrorçu prosesə video vasitəsilə qoşulub.
Avstraliya vətəndaşı olan 1991-ci il təvəllüdlü Brenton Tarrant bu il martın 15-i Yeni Zelandiyanın Kraystçerç şəhərində iki məscidə silahlı hücumda 51 nəfəri öldürüb. Brenton Tarrant qırğını sosial şəbəkədə canlı yayımlayıb.
O, terrordan əvvəl internetdə yerləşdirdiyi açıqlamada islama, müsəlman mühacirlərə mənfi münasibətdə olduğunu bəyan edib.
İyunun 14-də keçirilən prosesdə Brenton Tarrant özünü təqsirli saymadığını deyib.
Növbəti dinləmə avqustun 15-nə təyin olunub. Mühakimə prosesi isə 2020-ci il mayın 4-də start götürəcək.
