Kurs enmələri
İyunun 13-də bir çox valyuta ucuzlaşıb. Novator.az-ın məlumatına görə, Mərkəzi Bank avronun kursunu 1,9206 manata endirib.
Dəyər itirən Gürcüstan larisi banklara 0,6217, Rusiya rublu 0,0262, Türkiyə lirəsi 0,2911 manata təklif olunur.
ABŞ dollarının rəsmi məzənnəsi isə sabit qalıb: 1,7 manat (Tam siyahı). Bu qiymət 2018-ci il martın 7-dən qüvvədədir.
Avro 2019-cu ilə 1,9323, lari 0,6346, rubl 0,0245, lirə 0,3141 manatla başlayıb.
Manatı qorumaq üçün Mərkəzi Bankın yanvar-may aylarında keçirdiyi valyuta hərraclarında Dövlət Neft Fondu 2 milyard 327,7 milyon ABŞ dolları məbləğində vəsait satıb.
