Üç nazirin Qəbələ görüşü
İyunun 12-si Qəbələ şəhərindəki Heydər Əliyev Konqres Mərkəzində Azərbaycanın müdafiə naziri Zakir Həsənov, Türkiyənin milli müdafiə naziri Hulusi Akar və Gürcüstanın müdafiə naziri Levan İzoriya arasında üçtərəfli görüş keçirilib. Görüşdə regionda cərəyan edən hərbi-siyasi vəziyyət, üçtərəfli formatda hərbi əməkdaşlığın inkişafı, regional layihələrin təhlükəsizliyinin təmin olunması məsələləri müzakirə olunub. Tərəflər üçtərəfli hərbi əməkdaşlıq sahəsində qarşılıqlı maraq doğuran digər aspektlər barədə də ətraflı fikir mübadiləsi aparıblar.
Danışıqların yekununa dair protokol imzalanıb.
Xəbəri Azərbaycanın Müdafiə Nazirliyi yayıb.
