Seçmə turnirdə nə var, nə yox?
Avropa futbol çempionatının seçmə mərhələsində növbəti tur arxada qalıb. Novator.az-ın məlumatına görə, E qrupunda yarışan Azərbaycan milli komandası iyunun 11-i Bakıda Slovakiyaya 1:5 hesabı ilə məğlub olub.
Macarıstan evdə Uelsi 1 cavabsız topla yenib.
Əvvəlki oyunlarda da (səfərdə Xorvatiyaya 1:2, evdə Macarıstana 1:3) uduzan Azərbaycan yığması xalsızdır və qrupun son pilləsində dayanır. Macarıstanın 9, Slovakiya və Xorvatiyanın 6, Uelsin 3 xalı var.
E qrupundakı qalan oyunların təqvimi:
6 sentyabr
Slovakiya – Xorvatiya
Uels – Azərbaycan
9 sentyabr
Azərbaycan – Xorvatiya
Macarıstan – Slovakiya
10 oktyabr
Xorvatiya – Macarıstan
Slovakiya – Uels
13 oktyabr
Macarıstan – Azərbaycan
Uels – Xorvatiya
16 noyabr
Azərbaycan – Uels
Xorvatiya – Slovakiya
19 noyabr
Uels – Macarıstan
Slovakiya – Azərbaycan.
55 milli komanda 10 qrupda mübarizə aparır. Qruplarda ilk iki yeri tutan yığmalar final raunduna adlayacaq.
Hazırda A qrupunda ilk iki pilləni 6 xalla İngiltərə və Çexiya tutur.
B qrupunda lider Ukraynanın 10, təqibçiləri Lüksemburq və Serbiyanın 4 xalı var.
C qrupunda Şimali İrlandiya öndədir: 12 xal. Almaniya 9 xal yığıb.
D qrupunda İrlandiya 10 xalla birinci, Danimarka 5 xalla ikinci yerdədir.
F qrupunda 12 xalla İspaniya liderdir. İsveç və Rumıniyanın 7 xalı var.
G qrupunda Polşa öndə durur: 12 xal. İsrail 7 xal əldə edib.
H qrupunda Fransa, Türkiyə və İslandiya 9 xal götürüblər.
İ qrupunda lider Belçikanın 12, Rusiyanın 9 xalı var.
J qrupunda İtaliya 12 xalla liderlik edir. Finlandiya 9 xal toplayıb.
Avropa çempionatının final mərhələsi 2020-ci ilin yayında Bakı, Sankt-Peterburq, Buxarest, Budapeşt, Kopenhagen, Amsterdam, Münhen, Roma, Bilbao, London, Dublin, Qlazqo şəhərlərində keçiriləcək. Bakı Olimpiya Stadionu 3 qrup oyununa, 1 dörddə bir finala ev sahibliyi edəcək.
