5 ayın bahalıq statistikası
Dövlət Statistika Komitəsi inflyasiya hesabatı yayıb. Novator.az-ın məlumatına görə, hesabatda qeyd olunur ki, 2019-cu ilin yanvar-may aylarında istehlak məhsulları və xidmətlər 2018-ci ilin eyni dövrünə nisbətən 2,4 faiz, o cümlədən ərzaq məhsulları, içkilər və tütün məmulatları 2,3 faiz, qeyri-ərzaq malları 1,3 faiz, əhaliyə göstərilən ödənişli xidmətlər 3,4 faiz bahalaşıb.
May ayında istehlak məhsullarının və xidmətlərin qiymətlərinin aprel ayına nisbətən 0,4 faiz, o cümlədən ərzaq məhsulları, içkilər və tütün məmulatlarının qiymətlərinin 1,1 faiz düşdüyü, əhaliyə göstərilən ödənişli xidmətlərin qiymətlərinin 0,1 faiz yüksəldiyi bildirilir.
