12 iyun məzənnələri
Mərkəzi Bank iyunun 12-də ABŞ dolları (1,7 manat), BƏƏ dirhəmi (0,4628 manat), Çin yuanı (0,2458 manat) və Rusiya rublunun (0,0263 manat) məzənnələrini sabit saxlayıb.
Novator.az-ın məlumatına görə, dəyər artıran avro banklara 1,9268, Gürcüstan larisi 0,6235, İngiltərə funt sterlinqi 2,1626 manata təklif olunur.
Türkiyə lirəsinin rəsmi kursu isə 0,2929 manata düşüb (Tam siyahı).
Dolların indiki qiyməti 2018-ci il martın 7-dən qüvvədədir.
Avro 2019-cu ilə 1,9323, lari 0,6346, rubl 0,0245, lirə 0,3141 manatla başlayıb.
Dövlət Neft Fondu Mərkəzi Bankın yanvar-may aylarında keçirdiyi valyuta hərraclarında 2 milyard 327,7 milyon ABŞ dolları məbləğində vəsait satıb. Yanvarın hərraclarında fonddan 634,9 milyon dollar, fevralın hərraclarında 316,2 milyon dollar, martın hərraclarında 600,5 milyon dollar, aprelin hərraclarında 423,7 milyon dollar, mayın hərraclarında 352,4 milyon dollar alınıb.
