Təhsil sahəsinə əlavə vəsait
Dövlət başçısı İlham Əliyev təhsil sahəsinə əlavə vəsait ayırıb. İyunun 10-da imzaladığı sərəncamla prezident ölkədə modul tipli məktəblərin quraşdırılması məqsədilə 2019-cu ilin dövlət büdcəsindən Təhsil Nazirliyinə 18 milyon manat ayrılmasını tapşırıb.
Təhsil müəssisələrinin qazlaşdırılması üçün nazirliyə 2019-cu ilin dövlət büdcəsindən 5,7 milyon manat verilir.
Digər sərəncamla Bakı Şəhər İcra Hakimiyyəti 2019-cu ilin dövlət büdcəsindən paytaxtda və onun qəsəbələrində təhsil müəssisələrinin tikintisi, əsaslı təmiri və bərpası işlərinin davam etdirilməsi üçün 40 milyon manat alır.
