Cəbhəçiyə söyüş ittihamı, 100 manat cərimə
AXCP üzvü Bəşir Tarıverdiyev iyunun 11-i Nәsimi Rayon Mәhkәmәsinin qәrarı ilә 100 manat cәrimәlәnib. O, xırda xuliqanlıqda tәqsirli bilinib.
“Azadlıq” radiosuna danışan Bəşir Tarıverdiyev deyib ki, onu iyunun 10-u günorta saatlarında Bakıda mülki geyimli şәxslәr saxlayaraq Binəqədi Rayon Polis İdarәsinә aparıblar.
İdarədə onun barәsindә protokol tәrtib edilib, cəbhəçi küçәdә söyüş söymәkdә ittiham olunub. Axşam evә buraxılan AXCP üzvündən iyunun 11-i sәhәr saat 9-da Nәsimi Rayon Mәhkәmәsinә gәlmәsi üçün iltizam alıblar. İyunun 11-də mәhkәmә onu 100 manat cәrimәlәyib.
Bəşir Tarıverdiyev bildirir ki, qanuna zidd heç bir hәrәkәt etmәyib, cәzanın sәbәbi sosial şәbәkәdә yazdığı tənqidi şәrhlərdir. O, Nəsimi mәhkәmәsinin qәrarından apellyasiya şikayәti verәcәyini qeyd edib.
