Seçmə mərhələdə vəziyyət
2020-ci ilin Avropa futbol çempionatının seçmə mərhələsində 55 milli komanda 10 qrupda mübarizə aparır. Qruplarda ilk iki yeri tutan yığmalar final raunduna adlayacaq.
Novator.az bildirir ki, E qrupunda yarışan Azərbaycan milli komandası iki oyun keçirib. Səfərdə Xorvatiyaya 1:2, evdə Macarıstana 1:3 hesabı ilə uduzan yığma xalsızdır və qrupun son pilləsində dayanır. Macarıstan və Xorvatiyanın 6, Uels və Slovakiyanın 3 xalı var.
E qrupundakı qalan oyunların təqvimi:
11 iyun
Azərbaycan – Slovakiya
Macarıstan – Uels
6 sentyabr
Slovakiya – Xorvatiya
Uels – Azərbaycan
9 sentyabr
Azərbaycan – Xorvatiya
Macarıstan – Slovakiya
10 oktyabr
Xorvatiya – Macarıstan
Slovakiya – Uels
13 oktyabr
Macarıstan – Azərbaycan
Uels – Xorvatiya
16 noyabr
Azərbaycan – Uels
Xorvatiya – Slovakiya
19 noyabr
Uels – Macarıstan
Slovakiya – Azərbaycan.
Üç turdan sonra A qrupunda ilk pilləni 6 xalla İngiltərə tutur. Onu 3 xalla Çexiya izləyir.
B qrupunda lider Ukraynanın 7, ikinci pillədə dayanan Lüksemburqun 4 xalı var.
C qrupunda Şimali İrlandiya öndədir: 9 xal. Almaniya 6 xal yığıb.
D qrupunda İrlandiya 7 xalla birinci, İsveçrə 4 xalla ikinci yerdədir.
F qrupunda 9 xalla İspaniya liderdir. İsveçin 7 xalı var.
G qrupunda Polşa öndə durur: 9 xal. İsrail 7 xal əldə edib.
H qrupunda Türkiyə 9 xalla liderdir. Fransa və İslandiya 6 xal götürüblər.
İ qrupunda lider Belçikanın 9, Rusiya və Şotlandiyanın 6 xalı var.
J qrupunda İtaliya 9 xalla liderlik edir. Finlandiya 6 xal toplayıb.
Avropa çempionatının final mərhələsi 12 şəhərdə, o cümlədən Azərbaycan paytaxtında keçiriləcək. Bakı Olimpiya Stadionu 3 qrup oyununa, 1 dörddə bir finala ev sahibliyi edəcək.
