Müdafiə nazirləri Naxçıvanda
İyunun 10-da müdafiə naziri Zakir Həsənov Azərbaycan-Türkiyə birgə döyüş atışlı taktiki təlimini izləmək üçün Naxçıvan şəhərinə gedib. Mod.gov.az bildirir ki, həmin gün Türkiyənin milli müdafiə naziri Hulusi Akarın da Naxçıvana eyni məqsədlə səfəri başlayıb.
İyunun 7-də başlayan təlimə 5000 nəfərədək şəxsi heyət, 200-dən artıq tank və digər zirehli texnika, 180-ə yaxın müxtəlif çaplı raket və artilleriya qurğusu, yaylım atəşli reaktiv sistemləri və minaatan, 21 ədəd təyyarə, helikopter, pilotsuz uçuş aparatı və silahlanmaya yeni daxil edilmiş müxtəlif növ müasir silah və texnika nümunələri cəlb olunub.
