Ermənistanın ədliyyə naziri istefa verdi
Ermənistanın ədliyyə naziri Artak Zeynalyan iyunun 7-də istefa verib.
Novator.az bildirir ki, Artak Zeynalyan 1969-cu ildə Yerevanda anadan olub. Ermənistan Tibb Universitetini, Milli Səhiyyə İnstitutunu, Ermənistan İdarəçilik Akademiyasını, Qladzor İdarəçilik Universitetini bitirib. Cərrahdır.
1998-2001-ci illərdə səhiyyə nazirinin müavini olub. Bəzi hüquq müdafiə təşkilatlarında çalışıb.
2017-2018-ci illərdə parlamentdə təmsil olunub. Ədliyyə naziri postunu 2018-ci il mayın 12-dən tuturdu.
Ötən ay Ermənistanda nazirliklərin sayı birləşmələr hesabına 17-dən 12-yə düşüb. İxtisar baş nazir Nikol Paşinyanın təşəbbüsü olub.
Hazırda Zöhrab Mnasakanyan xarici işlər naziri, David Tonoyan müdafiə naziri, Feliks Solakyan fövqəladə hallar naziri, Atom Cancuqazyan maliyyə naziri, Tiqran Xaçatryan iqtisadiyyat naziri, Akob Arşakyan yüksək texnologiyalar sənayesi naziri, Suren Papikyan ərazi idarəçiliyi və infrastruktur naziri, Zarui Batoyan əmək və sosial məsələlər naziri, Araik Arutyunyan elm, təhsil, mədəniyyət və idman naziri, Erik Qriqoryan təbiəti mühafizə naziri, Arsen Torosyan səhiyyə naziridir.
Baş nazirin iki müavini var: Tiqran Avinyan və Mger Qriqoryan.
