Dövlət ittihamçısı baş redaktora cəza istəyib
Realliq.info saytının həbsdə olan baş redaktoru İkram Rəhimovun işi üzrə məhkəmə prosesi davam etdirilir.
İyunun 7-si Bakı Ağır Cinayətlər Məhkəməsində keçirilən prosesdə dövlət ittihamçısı çıxış edib.
“Turan”ın məlumatına görə, dövlət ittihamçısı baş redaktorun 6 il yarım müddətinə azadlıqdan məhrum olunmasını təklif edib.
İkram Rəhimovu ötən il oktyabrın 26-da Dövlət Təhlükəsizliyi Xidməti həbs edib. O, Cinayət Məcəlləsinin 182.2.1 və 182.2.2-ci (qabaqcadan əlbir olan bir qrup şəxs tərəfindən təkrarən hədə-qorxu ilə tələb etmə) maddələri ilə ittiham olunur.
