Məzənnələrin iyun siftəsi
Altıncı ayın ilk rəsmi məzənnələri açıqlanıb. Novator.az-ın məlumatına görə, Mərkəzi Bank iyunun 3-də avronun kursunu 1,9001 manata qaldırıb.
Gürcüstan larisi (0,6115 manat) və Türkiyə lirəsi də (0,2903 manat) bahalaşıb.
Dəyər itirən Rusiya rublu banklara 0,0259 manata təklif olunur.
ABŞ dollarının rəsmi qiyməti isə 1,7 manat səviyyəsində saxlanıb (Tam siyahı). Bu məzənnə 2018-ci il martın 7-dən qüvvədədir.
Avro 2019-cu ilə 1,9323, lari 0,6346, rubl 0,0245, lirə 0,3141 manatla başlayıb.
Dövlət Neft Fondu Mərkəzi Bankın manatı qorumaq üçün yanvar-aprel aylarında keçirdiyi valyuta hərraclarında 1 milyard 975,3 milyon ABŞ dolları məbləğində vəsait sərf edib. Yanvarda fonddan 634,9 milyon dollar, fevralda 316,2 milyon dollar, martda 600,5 milyon dollar, apreldə 423,7 milyon dollar alınıb.
Avro bu il aprelin 25-dən 29-dək, mayın 3-də, mayın 20-dən 24-dək və mayın 29-dan başlayaraq 1 manat 90 qəpikdən ucuz satılıb.
