Mərkəzi Bankın nə qədər ehtiyatı var?
Mərkəzi Bankın yeni hesabatları açıqlanıb. Novator.az bildirir ki, rəsmi məlumata görə, iyunun 1-nə valyuta ehtiyatının həcmi 5 milyard 870,9 milyon dollar olub. Mayın 1-nə 5 milyard 789 milyon dollarlıq valyuta ehtiyatı qeydə alınmışdı.
Pul bazasını Mərkəzi Bank iyunun 1-nə 10 milyard 172,4 milyon manat göstərir. Mayın 1-nə pul bazası 9 milyard 495,1 milyon manat həddində idi.
Statistikaya əsasən, mayın 1-nə kreditlərin məbləği 12 milyard 674,8 milyon manata düşüb, əmanətlərin həcmi 8 milyard 715 milyon manata qalxıb.
Aprelin 1-nə kreditlərin məbləği 12 milyard 714,4 milyon manat, əmanətlərin həcmi 8 milyard 339,1 milyon manat olmuşdu.
