Hüquqşünas “İlin Cümhuriyyətçisi” mükafatına layiq görülüb
İyunun 1-də D18 Hərəkatı “İlin Cümhuriyyətçisi” mükafatının təqdimatını keçirib.
Mükafat hüquqşünas Yalçın İmanova verilib.
5 ildir təqdim olunan mükafat hər il siyasi məhbus hesab edilən şəxslərə və ictimai fəallara verilir.
D18 hərəkatı 2013-cü ildə yaradılıb. Hərəkat Azərbaycan Xalq Cümhuriyyətini cəmiyyətdə dövlətçilik və demokratiya örnəyi kimi təbliğ edir.
Yalçın İmanov siyasi məhbus kimi tanınan bir sıra şəxslərin vəkili olub. 2017-ci ilin noyabrında Vəkillər Kollegiyasının Rəyasət Heyəti onun vəkillik fəaliyyətinə xitam verilməsi üçün məhkəməyə müraciət edib. 2019-cu ilin fevralında Gəncə İnzibati-İqtisadi Məhkəməsi Yalçın İmanovun vəkillik fəaliyyətinə xitam verib.
