Çempionlar Liqasının bütün qalibləri
UEFA Çempionlar Liqasının 2018-2019-cu illər mövsümü İngiltərənin “Liverpul” klubunun zəfəri ilə başa çatıb. “Liverpul” iyunun 1-i İspaniya paytaxtı Madriddə keçirilən final matçında İngiltərənin “Tottenhem” komandasından üstün olub – 2:0. Bu, 1955-ci ildə yaradılmış, 1991-ci ilə qədər Çempionlar kuboku adlanmış turnirdə “Liverpul”un 6-cı tituludur.
Novator.az bildirir ki, Çempionlar Liqasında hamıdan çox – 13 dəfə Madrid “Real”ı zirvəyə qalxıb.
“Milan” 7, “Bavariya” və “Barselona” 5, “Ayaks” 4, “İnter” (İtaliya) və “Mançester Yunayted” 3, “Benfika”, “Nottingem Forest”, “Yuventus” və “Portu” 2 titula sahibdir.
“Seltik”, “Feyenoord”, “Aston Villa”, “Hamburq”, “Styaua”, PSV, “Srvena Zvezda”, “Marsel”, “Borussiya” (Dortmund), “Çelsi” 1 uğur əldə edib.
