Mayda Azərbaycan nefti 6 dollara yaxın ucuzlaşıb
Dünya birjalarında neft ucuzlaşır. AZƏRTAC-ın 31 may məlumatına görə, London birjasında brent markalı neftin bir barreli 66,02 dollara, Nyu-York birjasında layt markalı neftin bir barreli 56 dollara düşüb.
1,39 dollar dəyər itirən Azərbaycan nefti “AzəriLayt”ın bir barrelinin 69,75 dollara satıldığı bildirilir.
Azərbaycanın 2019-cu il büdcəsində neftin qiyməti 60 dollardan götürülüb. “AzəriLayt”ın bir barreli yanvara 57,19, fevrala 63,69, marta 67,62, aprelə 70,82, maya 75,55 dollarla start verib.
Mayın əvvəli ilə müqayisədə Azərbaycan nefti 6 dollara yaxın ucuzlaşıb.
