Nazirlik qayçılandı
Ekologiya və Təbii Sərvətlər Nazirliyinin strukturu yenilənib. Novator.az-ın məlumatına görə, prezident İlham Əliyevin mayın 29-da imzaladığı sərəncamla struktur belə müəyyən edilib:
Ekologiya və Təbii Sərvətlər Nazirliyinin Aparatı (şöbələr və sektorlar);
Ekologiya və Təbii Sərvətlər Nazirliyi yanında Dövlət Ekoloji Təhlükəsizlik Xidməti;
Ekologiya və Təbii Sərvətlər Nazirliyi yanında Meşələrin İnkişafı Xidməti;
Ekologiya və Təbii Sərvətlər Nazirliyi yanında Milli Hidrometeorologiya Xidməti;
Ekologiya və Təbii Sərvətlər Nazirliyi yanında Bioloji Müxtəlifliyin Qorunması Xidməti;
Xəzər Kompleks Ekoloji Monitorinq İdarəsi;
Ekologiya və Təbii Sərvətlər Nazirliyinin regional orqanları və yerli bölmələri.
Əvvəlki strukturda Ekologiya və Təbii Sərvətlər Nazirliyinin Aparatı (şöbələr və sektorlar); Ətraf Mühitin Mühafizəsi Departamenti; Meşələrin İnkişafı Departamenti, onun regional və yerli bölmələri; Ətraf Mühit üzrə Milli Monitorinq Departamenti; Su Hövzələrində Bioloji Resursların Artırılması və Mühafizəsi Departamenti; Bioloji Müxtəlifliyin Qorunması və Xüsusi Mühafizə Olunan Təbiət Ərazilərinin İnkişafı Departamenti, o cümlədən milli parkların mühafizə və ekoturizm bölmələri, dövlət təbiət qoruqlarının və dövlət təbiət yasaqlıqlarının mühafizə bölmələri; Milli Hidrometeorologiya Departamenti; Bakı Şəhər Ekologiya və Təbii Sərvətlər Departamenti; Dövlət Ekspertiza İdarəsi; Xəzər Kompleks Ekoloji Monitorinq İdarəsi; Ekologiya və Təbii Sərvətlər Nazirliyinin regional orqanları və yerli bölmələri vardı.
