30 may məzənnələri
Mərkəzi Bank mayın 30-da bir çox valyutanı ucuzlaşdırıb. Novator.az-ın məlumatına görə, avro 1,8938, BƏƏ dirhəmi 0,4628, Gürcüstan larisi 0,6066, İngiltərə funt sterlinqi 2,1480, Rusiya rublu 0,0262 manata düşüb.
Məzənnələri yüksələn Çin yuanı banklara 0,2460, Türkiyə lirəsi 0,2826 manata təklif olunur.
ABŞ dolları isə yenə 1,7 manata satılır (Tam siyahı). Bu qiymət 2018-ci il martın 7-dən qüvvədədir. Avro 2019-cu ilə 1,9323, lari 0,6346, rubl 0,0245, lirə 0,3141 manatla başlayıb.
Dövlət Neft Fondu Mərkəzi Bankın manatı qorumaq üçün yanvar-aprel aylarında keçirdiyi valyuta hərraclarında 1 milyard 975,3 milyon ABŞ dolları məbləğində vəsait sərf edib. Yanvarda fonddan 634,9 milyon dollar, fevralda 316,2 milyon dollar, martda 600,5 milyon dollar, apreldə 423,7 milyon dollar alınıb.
