UEFA məmnundur
Dövlət başçısı İlham Əliyev mayın 29-da Avropa Futbol Assosiasiyaları Birliyinin (UEFA) prezidenti Aleksandr Çeferinin başçılıq etdiyi nümayəndə heyəti ilə görüşüb.
AZƏRTAC xəbər verir ki, İlham Əliyev Azərbaycanla UEFA arasında uğurlu əməkdaşlığın olduğunu vurğulayıb. Aleksandr Çeferin Bakıda UEFA Avropa Liqasının final oyununun keçirilməsi üçün yüksək səviyyədə hazırlıq işlərinin görüldüyünü qeyd edib. O, Bakının çox gözəl şəhər olduğunu, müasir inkişafı və tarixi ənənələri özündə birləşdirdiyini, paytaxtda özlərini çox rahat hiss etdiklərini deyib.
Bu gün saat 23-də Bakı Olimpiya Stadionunda UEFA Avropa Liqasının final oyunu start götürür. Həlledici oyunda İngiltərə paytaxtı Londonun “Çelsi” və “Arsenal” komandaları üz-üzə gəlir.
Bakı erməni futbolçuya təminat verir
